Një incident i rëndë ndodhi këtë të hënë në një shkollë në Kypsel, Athinë, ku një nxënëse 14-vjeçare u plagos me thikë në dorë. Arsyet e këtij akti të dhunshëm ende nuk janë sqaruar. Sipas dëshmive të nxënësve, vajza u dërgua në gjendje shoku në zyrën e drejtorit.
Ambulanca që mbërriti në vendngjarje e transportoi nxënësen në spitalin “Aglaia Kyriakou”, ku tani ndodhet jashtë rrezikut për jetën dhe po merr trajtim mjekësor. Policia greke (ELAS) ndërhyri menjëherë dhe aktualisht po merret në pyetje autorja e dyshuar e incidentit.
Autoritetet pritet të marrë dëshmitë e mësuesve që ishin prezentë në shkollë gjatë momentit të ngjarjes, për të hedhur më shumë dritë mbi rrethanat që çuan në këtë plagosje. Incidenti ka shqetësuar jo vetëm nxënësit, por edhe prindërit dhe komunitetin lokal, duke ngritur pyetje mbi sigurinë në shkolla.
