Kreu i Partisë së Lirisë Ilir Meta, ka mbajtur sot një konferencë për mediat, ku ka sulmuar kryeministrin Edi Rama për ligjin e miratuar në Kuvend javën e kaluar, për hapjen e plotë të dosjeve të ish-Sigurimit të Shtetit.
“Ligjet që bën djali i Kristaqit, Edvin Kristaq Rama, ligjet që bën nipi i Spiro Kolekës, unë me tolerancën më të madhe do t’ia fus atje ku i shijon më shumë atij. Të gjithë ata që mendojnë se do ekzekutojnë pluralizmin politik do të kenë fatin e Musolinit dhe Klaretës, dashnores së Musolinit”, tha Meta.
Më tej, politikani tha se Autoriteti i Dosjeve dhe Kuvendi nuk i japin avokatit të tij të dhënat, për dosjen që ata kanë për shtetasin I.M.
“Autoriteti nuk i jep të dhëna avokatit tim. Nuk ja jep as kryetarja e Parlamentin, i jep certifikatën e 2017 thotë këto kemi. Po ato të tjerat që e kanë tromaksur. Do ti shikoni të gjitha. Edi Rama o lepurush, që të ishte bashkëpunëtor e di shumë mirë ti si duhej të ishe. Edhe të përgjoje duhet të të jepte dikush përgjuesin o lepurush që merr mendjen e A.H që do përfundojë më keq se Klareta.
Kur të kesh kohë vij unë edhe me atë personin që kish hall ti që e kisha spiunuar unë. Duhet të vish në çdo studio e do marrësh edhe punonjësin e sigurimit me gjeneralitetet tona e tij i dashur Edi Rama. Nëse e bën ke të drejtë të kërkosh çdo gjë nga Meta”, vijoi kreu i Partisë së Lirisë.
