Ministrja e Ekonomisë dhe Financave, Delina Ibrahimaj ka bërë publike vendimet e qeverisë pas përfundimit të mbledhjes. Ibrahimaj bëri me dije se është miratuar rritja e pensioneve. Prej tetorit janë rreth 678 mijë pensionistë që do të përfitojnë. Gjithashtu, Ibrahimaj bëri me dije se është miratuar rritja e pagës minimale për më shumë se 200 mijë të punësuar.
Ibrahimaj: Me këtë indeksim të dytë ne e çojmë rritjen e pensioneve për citin 2022 në nivelin 9.5 %. Nga ky vendim përfitojnë të gjithë kategoritë e pensionistëve, pra rreth 678 mijë pensionistë të cilët nga pensioni që do të marrin nga muaji tetor do të kenë një rritje të pensioneve të tyre në nivelin 9.5 %.
Morën edhe një vendim për sa i përket rritjes së pagës minimale në shkallë vendi. Me këtë vendim paga minimale do të hyjë në fuqi 34 mijë lekë dhe ky është një endim i cili prek një numër të madh të punësuarish. Janë mbi 200 mijë të punësuar që përfitojnë.
Ministrja e Ekonomisë dhe Financave shtoi se qeveria ka bërë transparente të gjitha vendimet me qëllim shkurtimin e shpenzimeve buxhetore.
