Beteja e Rusisë në Ukrainë nuk po zhvillohet me armë, por e rëndësishme është edhe ajo e propagandës. Në epokën moderne lufta në rrjetet sociale është ajo më e rëndësishmja dhe për këtë Kremlini ka venodsur që të hakmerret ndaj Facebook.
Sipas mediave Rusia do të kufizojë aksesin në Facebook nga 25 shkurti, tha të premten rregullatori i saj i medias, Roskomnadzor, duke cituar një vendim të prokurorëve. Moska ka akuzuar gjigantin amerikan të teknologjisë Meta se ka shkelur “të drejtat themelore të njeriut” duke bllokuar llogaritë ruse, përfshirë ato të agjencive kryesore të lajmeve.
Mbikëqyrësi shtetëror rus i komunikimit Roskomnadzor tha se kishte kërkuar që Facebook të hiqte ndalimet që kishte vendosur të enjten në agjencinë shtetërore të lajmeve RIA Novosti, kanalin televiziv shtetëror Zvezda dhe faqet e lajmeve pro-Kremlinit Lenta.Ru dhe Gazeta.Ru. Agjencia tha se Facebook nuk i riktheu organet mediatike.
Roskomnadzor e hodhi veprimin e tij si një lëvizje “për të mbrojtur mediat ruse”. Ai tha se Ministria e Jashtme e Rusisë dhe zyra e Prokurorit të Përgjithshëm e gjetën Facebook-un “bashkëpunëtor në shkeljen e të drejtave dhe lirive themelore të njeriut, si dhe të të drejtave dhe lirive të shtetasve rusë”.
