Një shpërthim tritoli ka ndodhur në një banesë në Krujë.
Policia bën të ditur se, ngjarja ka ndodhur në shtëpinë e A. Keqi, pronari i dy dyqaneve, servise celularësh, në Krujë dhe Fushë Krujë.
Lënda plasëse është hedhur në çatinë e banesës së Keqit dhe nga shpërthimi ka vetëm dëme materiale.
Policia e Krujës/ Informacion paraprak
Gjatë orëve të para të mëngjesit, në çatinë e banesës së shtetasit A. K., në lagjen “Borati”, Krujë, dyshohet se kanë hedhur dhe ka shpërthyer një sasi e vogël lënde plasëse. Si pasojë e shpërthimit ka vetëm dëme të vogla materiale.
Grupi hetimor nën drejtimin e Prokurorisë së Rrethit Gjyqësor Krujë po punon për sqarimin e rrethanave të ngjarjes, identifikimin dhe kapjen e autorit/ëve.
Materialet i kaluan Prokurorisë, për veprime të mëtejshme
