Sektori i Krimeve Kibernetike në Policinë e Tiranës kanë arrestuar një 16-vjeçari, mbi të cilin rëndojnë akuzat për veprat penale “Pornografia me të mitur” dhe “Falsifikimi kompjuterik”.
Sipas autoriteteve policore, nga hetimet e kryera ka rezultuar se 16-vjeçari i ka shpërndarë materiale personale (fotografi dhe video intime) një vajze të të mitur, në rrjete sociale dhe në aplikacione të ndryshme komunikimi, te disa shtetas të ndryshëm.
“Aparati celular i 16-vjeçarit është sekuestruar në cilësinë e provës materiale dhe gjatë analizës e këqyrjes paraprake të tij janë konstatuar biseda dhe komunikime në të cilat ishin shpërndarë fotot dhe videot intime, në aplikacione elektronike të personave të ndryshëm.” – thuhet në njoftimin e bluve të kryeqytetit.
Policia njofton se po punohet për identifikimin e personave të tjerë të përfshirë në këtë veprimtari kriminale.
Materialet proceduriale i kaluan Prokurorisë për veprime të mëtejshme.
