Një grua amerikane e akuzuar se mbyti të dashurin e saj gjatë seksit përpara se t’i priste kokën dhe t’i hidhte trupin sulmoi avokatin e saj dje, me pamjet e kapura në kamera në një gjykatë në Wisconsin .
Taylor Schabusiness , 25 vjeç, nxitoi te avokati i saj, Quinn Jolly, rreth orës 8:48 të mëngjesit të së martës, gjatë një seance dëgjimore për të përcaktuar nëse ai ka qartësinë e nevojshme mendore për të dalë në gjyq.
Shpërthimi i dhunshëm i të akuzuarës erdhi pasi u njoftua në gjykatë nga avokati i saj se ekspertit të caktuar për të vlerësuar gjendjen e saj psikologjike do t’i duhej më shumë kohë për të përfunduar raportin e tij.
Kjo ndodhi kur Schabusiness u hodh nga karrigia e saj dhe sulmoi avokatin, duke u përpjekur fillimisht t’i godiste krahun para se ta godiste me grusht në kokë.
Ndërhyrja e rojeve ka qenë e menjëhershme. Ata arritën të mobilizonin 25-vjeçaren, e cila po përpiqej t’i shpëtonte, dhe gradualisht ta bindnin të qetësohej.
Kur ia dolën, e nxorrën nga salla e gjyqit . Dhjetë minuta pas sulmit, kur rifilloi seanca, Jolly informoi gjykatën për vendimin e tij për t’u tërhequr nga përfaqësimi i Schabusiness.
Çështja nëse Schabusiness është mendërisht kompetente për të dalë në gjyq ka preokupuar autoritetet ligjore të Wisconsin që nga arrestimi i saj vitin e kaluar. Një ekspert i angazhuar nga gjykata për vlerësimin e saj dëshmoi se ajo ka aftësinë të mbrohet në gjykim, por eksperti i angazhuar nga mbrojtja shprehu dyshime dhe kërkoi teste të mëtejshme.
Schabusiness akuzohet për vrasje të shkallës së parë, copëtim të një kufome dhe sulm seksual të shkallës së tretë.
