Një aksident i rëndë me pasojë vdekjen e një personi ka ndodhur këtë mëngjes në Vorë. Policia njofton se shtetasi A.A, 64 vjeç, në rrugën e fshatit Muçaj, dyshohet se ka humbur kontrollin mbi automjetin që drejtonte dhe ka rënë në kanal. Uniformat blu shprehen se burri mund të ketë humbur kontrollin mbi makinën që drejtonte, për shkak të pagjumësisë ose problemeve shëndetësore.
Njoftimi i policisë:
Më datë 18.01.2024, në rrugën e fshatit Muçaj, shtetasi A. A., 64 vjeç, dyshohet se ka humbur kontrollin mbi automjetin që drejtonte, dyshohet për shkak të pagjumësisë, ose problemeve shëndetësore, i cili ka dalë nga rruga dhe ka rënë në kanal.
Për pasojë, drejtuesi i automjetit ka humbur jetën në vendngjarje.
