Mbrëmjen e sotme opozita protestoi kundër qeverisë për gati tre orë në sheshin mes Kryeministrisë dhe Kryesisë së Kuvendit. Pjesëmarrja nuk ishte e vogël. Por nuk arriti që ta bashkonte as sonte opozitën.
Pjesa dërrmuese e grupit të PD-së ishte e pranishme bashkë me aleatët. Por katër figura munguan. I paftuari Lulzim Basha dhe tre besnikët e tij, Enkelejd Alibeaj, Jorida Tabaku dhe Gazment Bardhi nuk u panë në tubim.
Por nga grupi i Alibeajt kishte një “tradhtar”, Dhurata Çupi që iu bashkua protestës. Nga aleatët opozitarë ishin të pranishëm Agron Duka, Dashamir Shehi dhe Fatmir Mediu.
