Një ngjarje tragjike goditi të enjten fluturimin e Air India me destinacion Londrën, i cili u rrëzua pak minuta pas ngritjes nga aeroporti i Ahmedabadit. Në bord ndodheshin 242 persona, përfshirë ekuipazhin, ndërsa konfirmohet se avion udhëtonin kryesisht shtetas indianë dhe britanikë.
Një nga të mbijetuarit, Vishëash Kumar Ramesh, 40 vjeç, shtetas britanik me origjinë indiane, rrëfeu momentet dramatike pas rrëzimit të avionit. “Tridhjetë sekonda pas ngritjes, dëgjuam një zhurmë të fortë dhe më pas gjithçka u errësua. Kur u zgjova, trupat ishin gjithandej. U ngrita me frikë dhe nisa të vrapoja mes copëzave të avionit,” tha ai nga shtrati i spitalit në pavijonin e përgjithshëm të Spitalit Civil të Asarëës.
Vishëash ndodhej në Indi për një vizitë familjare dhe po udhëtonte drejt Mbretërisë së Bashkuar së bashku me vëllain e tij, Ajay Kumar Ramesh, 45 vjeç, i cili sipas tij ishte ulur në një rresht tjetër. Ai tashmë rezulton i zhdukur. “Ju lutem, ndihmomë ta gjej. Nuk e di ku është,” tha ai mes lotësh.
Vishëash u dërgua me urgjencë në spital nga një person i panjohur që e nxori nga rrënojat. Ai ka pësuar dëmtime në gjoks, këmbë dhe sy, por ndodhet jashtë rrezikut për jetën.
Në mesin e pasagjerëve ndodhej edhe ish-kryeministri i shtetit Gujarat, Vijay Rupani, për të cilin ende nuk ka informacione të konfirmuara. Familjarët dhe ndihmësit e tij po zhvillojnë kërkime në spitalin ku janë dërguar të plagosurit dhe trupat e viktimave.
Sipas burimeve nga Air India, në bord ishin 169 shtetas indianë, 53 britanikë, 7 portugezë dhe një kanadez. Autoritetet indiane janë duke hetuar shkakun e rrëzimit të avionit, një Boeing 787-8 Dreamliner.
???? CONFIRMED: One miraculous survivor in the #PlaneCrash, Vishwash Kumar Ramesh, Seat 11A ????
He recalls a loud boom just 30 seconds after takeoff. The plane nosedived. He survived. STOOD UP. WALKED OUT.
~ God has plans ???????? pic.twitter.com/t66H80Ur0I— The Analyzer (News Updates????️) (@Indian_Analyzer) June 12, 2025
