Tre peshkatarë u shpëtuan sot në Sazan, pasi anija e peshkimit me të cilën kishin dalë në det u përmbys dhe u fundos.
Me zërin që i dridhej, Mezan Mezani, një nga peshkatarët që gjendej në anijen që u mbyt e përshkroi situatën si nëpër filma teksa tha se iu desh të qëndronin lart anijes.
“Falenderoj me zemër rojen bregdetare dhe policinë kufitare sepse ishim në një moment kritik. Deti ishte normal por dallgëzimi.
Kam gjithë jetën që jam peshkatar. Na kanë ndodhur probleme por jo të kësaj shkalle. Ishim tre veta. Nuk kishim mundësi komunikimi. Kemi qëndruar sipër në filma, kemi qëndruar lart.
Dua t’i kërkoj ndihmë forcës detare për të nxjerrë anijen sepse jo vetëm për mua por dëmi është i madh dhe rrezik për anijet e tjera“, tha ai.
