Oltion Merdari është një emër i njohur dhe i respektuar në qytetin e Beratit. Lindur dhe rritur në këtë qytet të bukur, Oltioni është një njeri i përkushtuar, babë i dy fëmijëve dhe një figura e dashur për komunitetin. Si një familjar dhe njeri i besimtar, ai ka fituar mbështetjen dhe respektin nga të gjitha shtresat e shoqërisë në Berat, duke u bërë një model i integritetit dhe përkushtimit ndaj vlerave më të mira të shoqërisë.
Përveç angazhimeve familjare dhe shpirtërore, Oltioni ka një karrierë të pasur akademike dhe profesionale. Ai ka mbaruar studimet e larta në Universitetin “La Sapienza” të Romës, ku ka marrë diplomën në Shkenca Politike dhe ka përfunduar një master shkencor në Marrëdhënie Ndërkombëtare.
Ky formim i fortë i ka hapur dyer të shumta për të kontribuar në shoqëri dhe për të sjellë zgjidhje të qëndrueshme për problemet që ndodhen në nivel kombëtar e lokal.
Angazhimi i tij në politikë ka qenë gjithmonë i thellë dhe i palëkundur. Gjatë më shumë se 15 viteve të tij në Partinë Demokratike, Oltioni ka mbajtur pozita të ndryshme drejtuese, duke përfshirë Kryetar të KZAZ, Kryetar të Seksionit dhe Sekretar Organizativ. Aktualisht, ai është Sekretar i Përgjithshëm i PD-së, Dega Berat, dhe anëtar i Këshillit Bashkiak. Këto pozita i kanë mundësuar atij të jetë në shërbim të qytetarëve të Beratit, duke sjellë përmirësime dhe mbështetje për ata që kanë nevojë.
Përveç angazhimit të tij në politikë, Oltioni ka drejtuar me sukses një biznes familjar, duke kontribuar në zhvillimin ekonomik të qytetit të Beratit dhe krijimin e mundësive për punësim.
Me një angazhim të thellë për të mirën e qytetarëve, një formim të shkëlqyer dhe një përkushtim të paepur ndaj Partisë Demokratike dhe vlerave të saj, Oltion Merdari është kandidati ideal për të përfaqësuar qytetin e Beratit në Parlament.
