I dërguari i Moskës në negociatat për Ukrainën, Kirill Dmitriev, i ka cilësuar takimet e fundit në Miami me përfaqësues amerikanë si “konstruktive” dhe ka njoftuar se bisedimet do të vazhdojnë edhe gjatë të dielës. Dmitriev, që përfaqëson presidentin rus Vladimir Putin, tha se diskutimet me Steve Witkoff dhe Jared Kushner janë zhvilluar në një klimë pozitive, sipas agjencive RIA Novosti dhe TASS.
Dmitriev ka shprehur shqetësim lidhur me politikën amerikane, duke akuzuar “Shtetin e Thellë” amerika për përpjekje për të nxitur një konflikt global. Ai paralajmëroi se përhapja e “paranoisë anti-ruse” në Bashkimin Evropian dhe në Mbretërinë e Bashkuar mund të çojë drejt një Luftë të Tretë Botërore.
Reagimi i tij erdhi pas komentit të Drejtoreshës së Inteligjencës Kombëtare të SHBA-së, Tulsi Gabbard, e cila hodhi poshtë pretendimet se Rusia synon të marrë kontrollin e plotë të Ukrainës dhe të territoreve të tjera të ish-Bashkimit Sovjetik. Dmitriev e vlerësoi qëndrimin e saj si një shkëndijë e “makinerisë luftënxitëse”.
Në mes të këtyre zhvillimeve, presidenti ukrainas Volodymyr Zelensky konfirmoi se Uashingtoni ka propozuar një format takimi trepalësh mes SHBA-së, Ukrainës dhe Rusisë, që mund të zhvillohet gjithashtu në Miami. Ai theksoi se përfshirja e vendeve evropiane do të ishte e mundshme dhe se një takim i përbashkët do të ishte “logjik” pas analizimit të rezultateve të bisedimeve aktuale.
Paralelisht, Kirill Budanov, kreu i shërbimit të inteligjencës ushtarake ukrainase, deklaroi se Rusia mund të jetë e gatshme të sulmojë vendet baltike deri në vitin 2027, një pretendim që rrit tensionet mes palëve. Këto zhvillime sugjerojnë një situatë të ndërlikuar dhe të tensionuar në marrëdhëniet ndërkombëtare, veçanërisht në lidhje me vështirësitë që po kalon Ukraina në aktualitet.
