Gjykata e Posaçme rrëzon kërkesën e Fran Marashit i cili kërkoi të dilte nga regjimi i ashpër 41 biss, aty ku mbahet i izoluar prej 13 dhjetor të vitit 2024 me vendim të ministrit të drejtësisë Ulsi Manja.
Vendimi u dha nga gjyqtari Erjon Bani në seancën e kësaj të mërkure në orën 10.00.
Fran Marashi u dënua nga Gjykata e Posaçme Antikorrupsion muajin e kaluar me burgim të përjetshëm si person i përfshirë në masakrën e Urës Vajgurore të 17 qershorit 1997, ku u vranë 4 policë dhe u plagosën 6 të tjerë.
Ngjarja e rëndë e aso kohe u rigjykua sërish në Gjykatën e Posaçme Antikorrupsion pas rikthimit të çështjes nga Gjykata e Lartë.
Përveç Fran Marashit, me burg përjetë janë dënuar edhe Musa Protoduari si dhe Shkëlqim Protoduari si dhe disa persona të tjerë me 25 vite burg.
