Sot, në orën 04:35, Mihal Pavllo Mërkuri, i dënuar me siguri të lartë, ka ndërruar jetë në Qendrën Spitalore Universitare “Nënë Tereza” (QSUNT). Vdekja e tij ndodhi si pasojë e arrestit kardiak dhe hemorragjisë në kokë. Mërkuri, lindur më 25 janar 1979 në Sarandë, kishte marrë një dënim prej 10 vjetësh për veprat penale të “vrasjes me dashje të mbetur në tentativë” dhe “prodhimit e mbajtjes pa leje të armëve luftarake e municionit”.
Ai u ekstradua nga Greqia më 20 qershor 2023 dhe transferua në IEVP Burrel më 15 shkurt 2025, pas qëndrimit në IEVP Korçë. Mërkuri u shtrua në QSUT më 18 janar 2026, ku iu nënshtrua një operacioni kirurgjikal për trajtimin e hemorragjisë së brendshme (hemoperitoneum).
Në lidhje me rastin, po zbatohen të gjitha procedurat ligjore të parashikuara. Lajmi do të përditësohet për informacione të mëtejshme.
