Gjykata e Tiranës ka lënë në burg Roland Ahmetsulaj, i arrestuar për vrasjen e Erion Çelës në “Don Bosko” si dhe plagosjen e katër personave të tjerë. Në seancën me dyer te mbyllura, ai mohoi akuzat e prokurorisë, ndërsa Kevin Suçin e njeh për shkak të shërbimit që i ka afruar me karrotrec per trasportimin e një makine që i ishte prishur në rrug9.
“Nuk kam lidhje me ngjarjen. Dy ditë para vrasjes kam patur bisedën me Kevin Suçin për rregullim makine. Më ka marrë për makinën nëse është rregulluar ose jo”, deklaroi i riu ne gjykatë.
Nga ana tjetër, policia njoftoi zyrtarisht se ka patur komunikime mes Ahmtesulajt dhe Kevin Suçit në orarin kur ka ndodhur ngjarja, por sipas avokatit të Ahmetsulaj biznesi i këtij të fundit ndodhet vetëm 700 m nga vendi i ngjarjes dhe se ka patur komunikime vetëm për punë. Sipas hetimeve shtetasi Kasandër Noga në bashkëpunim me shtetasin Kevin Zeneli (Suçi), kanë zhvilluar takime dhe biseda, kanë siguruar dhe kanë dhënë shuma monetare, me qëllim vrasjen e shtetasit Geron Hasanbelliu por është ngatërruar shënjestër duke ekzekutuar gabimisht Erion Çelën e plagosur 4 të tjerë.
