SHBA- Reperi Sean “Diddy” Combs është shpallur fajtor vetëm për akuzën për prostitucion. Megjithatë, ai u shpall i pafajshëm për akuza si trafikim të qënieve njerëzore dhe shantazh. Manjati 55-vjeçar i hip-hopit u akuzua nga prokurorët për abuzim seksual me tre viktima të dyshuara, përfshirë ish-partneren e tij prej shumë kohësh, këngëtaren dhe modelen Cassie Ventura, si dhe për krime të tjera duke përfshirë rrëmbim, zjarrvënie dhe shantazh.
Combs tani përballet me deri në 10 vjet burg pasi u shpall fajtor për transportimin e eskortave meshkuj për seanca seksuale me ish-të dashurat. Videot me eskorta meshkuj iu treguan jurisë vetëm gjatë gjyqit shtatë-javor, me pamjet që u mbajtën private nga anëtarët e publikut dhe medias në gjykatë. Ish-punonjës, së bashku me eskortat, stafin e hotelit dhe oficerët e policisë ishin midis atyre që dhanë dëshmi.
Cassie, e cila ishte shtatzënë në atë kohë, së bashku me një ish-të dashur tjetër, e cila përdori pseudonimin Jane, dëshmuan gjithashtu. Ato i thanë gjykatës se ishin detyruar të bënin aventura të çmendura me drogë të cilat quheshin edhe “netët e hoteleve” ose “netët e egra të mbretit” me eskorta meshkuj dhe ishin abuzuar gjatë gjithë marrëdhënieve të tyre.
Combs, i njohur ndryshe si P-Diddy dhe Diddy ndër vite, dikur ishte një nga figurat më me ndikim në hip-hop – i famshëm si producent, themelues i Bad Boy Records dhe menaxher. Si artist, ai fitoi tre çmime Grammy gjatë karrierës së tij dhe kishte hite duke përfshirë “I’ll Be Missing You”, “Come With Me” dhe “Bad Boy For Life”.
Akuzat dolën në pah për herë të parë në nëntor 2023, kur Cassie, e dashura e tij nga viti 2007 deri në vitin 2018, ngriti një padi të fortë duke e akuzuar atë se e kishte detyruar të kryente mardhënie seksuale me persona të tjerë.
Padia u zgjidh brenda 24 orësh për 20 milionë dollarë, u bë e ditur gjatë gjyqit por muaj më vonë CNN transmetoi pamjet e sigurisë së hotelit që tregonin Combs duke grushtuar dhe shqelmuar Cassie-n dhe duke e hedhur atë në dysheme në vitin 2016.
