Është përcjellë në banesën e fundit 6-vjeçarja shqiptare Leila Kurti, e cila humbi jetën pas një aksidenti tragjik me makinë në Bolonja.
Qindra qytetarë shqiptarë e italianë kanë marrë pjesë duke hedhur lule orkidea dhe zambakë të bardhë mbi arkivolin e bardhë të mbuluar me flamurin e Shqipërisë.
Prindërit e Leilës 6-vjeçare, Gentiani dhe Manjola kanë qenë të shokuar nga humbja e vajzës së tyre, ndërsa për organizimin e ceremonisë mortore janë angazhuar njerëzit e afërm.
Zia kishte pllakosur qytetin San Polo ku kaloi kortezhi i qindra qytetarëve të veshur me rroba të zeza, ndërsa lamtumirën e fundit ia dhanë edhe karabinierët e qytetit që morën pjesë në ceremoninë mortore.
Leila ndërroi jetë dy javë pas aksidentit në spitalin e Bolonjës. Ajo ishte duke udhëtuar me babain e saj drejt aeroportit, ku do të ktheheshin me pushime në Shqipëri, kur një makinë tip Audi dyshohet se hyri kundravajtje dhe i përplasi. Prokurori i Bolonjës ka hapur tashmë një hetim për zbulimin e fajtorit në aksident.
