Projekti për informimin dhe dhënien e bursave falas në universitetet amerikane, i zbatuar në 68 gjimnaze të Shqipërisë, ka dalë të jetë një mashtrim. I mbikëqyrur nga Ministria e Arsimit, në këtë projekt morën pjesë qindra maturantë dhe mësues të angazhuar për një vit shkollor pa pagesë. Ndërkohë, hetimet zbuluan se Ermesi, i akuzuar për falsifikim dokumentesh, kishte përdorur imazhin e këngëtares amerikane Gracie Abrams për të manipuluar informacionin.
Sipas raportimeve, kërkesa për projektin nuk ishte zyrtare dhe komunikimi kishte filluar përmes mesazheve SMS nga një numër i panjohur. Ish-zëvendësministrja Nina Guga, e cila kishte komunikim me Klea Ramën, përmendi insistimin e sekretarit të përgjithshëm, Erzen Tola, për të vlerësuar projektin me prioritet. Drejtori i programeve dhe politikave arsimore, Shkëlqim Allkaj, vuri në dukje se kishte dyshime lidhur me lidhjen mes Kleas dhe Ermesit.
Dëshmitë e mbledhura nga zyrtarët e ministrisë dhe drejtues të shkollave tregojnë përpjekjet e Ermesit për të ndërhyrë në projektet e tij për teatrin, përmes personazhit të stisur “Kleas”. Dy projekte të ndryshme ishin në zhvillim, njëri në emrin e Kleas dhe tjetri në emrin e Ermesit, kërkesë që ishte dërguar pak kohë pas komunikimit me Ministrinë e Arsimit.
Ermesi shprehet se mundësitë për të vepruar nëse do të ishte pa Klean ishin shumë të kufizuara. Ai arriti të përfitojë vetëm fazën e parë të projektit “Konkurs Kombëtar Teatror Rinor” dhe në anën tjetër, u shfaq një ministëri tjetër. Ministria e Ekonomisë, Kulturës dhe Inovacionit i dha mbështetje financiare për organizimin e një festivali me nxënësit më të talentuar aktorë, ku Ermesi ishte një nga fituesit mes 600 aplikimeve për projekte në art dhe kulturë, duke firmosur një kontratë prej 400,000 lekësh të reja.
Ky skandal ka nxjerrë në pah parregullsi të rënda dhe ka lënë të dyshimtë procesin dhe mirëmenaxhimin e projekteve për arsimin dhe kulturën në Shqipëri.
