Familjarë, miq dhe kolegë po i japin lamtumirën e fundit këngëtarit të njohur shqiptar, Shpat Kasapi, në Pallatin e Kulturës në Tetovë. Arkivoli i kasapit është i mbuluar me flamurin kombëtar dhe ndodhet në qendër të ceremonisë, ku bashkëshortja e tij, Selvije Lao, dhe të afërmit e tij ndajnë dhimbjen për këtë humbje të papritur.
Ceremonia është mbushur me emocione dhe përkujtime për jetën dhe karrierën e Shpatit, i njohur si një legjendë e muzikës shqiptare. Big Mama, një nga miqtë më të ngushtë të tij, mbajti një fjalim prekës, duke theksuar boshllëkun që ka lënë Kasapi në jetët e atyre që e njihnin. Ajo përshkroi se si ky ishte vendi ku ata morën frymë si artistë, ndanë ëndrra dhe rritën miqësinë e tyre.
Më tej, ajo shprehu emocionet e saj duke thënë se Shpat do t’u mungojë të gjithëve, por se zëri dhe muzika e tij do të vazhdojnë të jetojnë në zemrat e tyre. “Do të na mungosh, por ti s’ke vdekur; zëri yt, muzika dhe dashuria që ke lënë pas do të jetojnë përgjithmonë,” u shpreh ajo, ndërsa përlotej.
Ceremonia përkujtimore është një dëshmi e vlerës së madhe që Shpat Kasapi ka pasur në botën e muzikës dhe në jetët e atyre që e donin. Miqtë dhe familjarët janë mbledhur për të nderuar kujtimin e tij dhe për t’i shprehur dashurinë dhe respektin e tyren për një artist që la një trashëgimi të paharrueshme.
