Një avokat është dhunuar barbarisht ditën e djeshme në Gjykatën e Apelit Durrës.
Burime për newsbomb.al bëjnë me dije se dy persona kanë dhunuar në oborrin e Gjykatës avokatin Ilia Ilia. Mësohet se autorët kanë dhunuar ashpër dhe shtrirë në tokë avokatin.
Nuk dihet se në çfarë rrethanash ka ndodhur ngjarja, por kanë qenë qytetarët që ishin të pranishëm që kanë njoftuar policinë. Pritet që policia të japë informacion zyrtar në lidhje me këtë ngjarje.
Mirëpo nuk është hera e parë që avokati në fjalë është dhunuar. Në 2018 Ilia u dhunua nga dy persona të paidentifikiuar.
Atë kohë në një prononcim për media avokati tha se dy agresorët që e dhunuan janë udhëzuar nga prokurori Arjan Ndoj, pasi me të kishte pasur disa konflikte.
“Prokurori Arjan Ndoji ka futur njerëz për të më dhunuar. Njerëzit e prokurorit Arjan Ndoji me sulmuan”, hodhi ai akuza atë kohë.
