Lajm i mirë për trajnerin Hansi Flick dhe Barcelonën përpara ndeshjes ndaj Olympiacos në Champions League. Ferran Torres ka marrë lejen nga mjekët dhe do të jetë në dispozicion, ndërsa Andreas Christensen do të mungojë për shkak të një sëmundjeje.
Rikthimi i Ferran Torres erdhi papritur; ai nuk u stërvit me ekipin, dhe menaxheri Flick e përjashtoi atë nga planet gjatë konferencës për shtyp. Megjithatë, sulmuesi valencian ka arritur të rikuperohet dhe të jetë pjesë e skuadrës.
Flick, si zakonisht, do të mbështetet te të rinjtë nga skuadra rezervë për t’i dhënë forcë skuadrës. Jofre Torrents, Xavi Espart, Dro, Antonio Fernández dhe Juan Hernández do të jenë të promovuar në ekipin e parë për këtë përballje në fazën e tretë të Ligës së Kampionëve.
