Sot pritet dorëzimi i trupit të togerit izraelit Hadar Goldin, i vrarë në Gaza gjatë konfliktit të vitit 2014. Krahu ushtarak i Hamasit ka njoftuar se trupi i Goldin do të kthehet në Izrael. Kryeministri Benjamin Netanyahu konfirmoi se eshtrat do të arrijnë në Izrael këtë pasdite dhe theksoi angazhimin e qeverisë për të sjellë të gjithë pengjet në shtëpi, pa përjashtim.
Kryqi i Kuq është duke udhëtuar drejt një pike takimi në Gazën jugore për të marrë trupin. Sipas mediave, vonesa në dorëzimin e trupit lidhet me negociatat për të lejuar largimin e rreth 150 militantëve të bllokuar në tunelet e Rafahut, një zonë nën kontroll israeli. Hamasi ka bërë të ditur se parimi i dorëzimit ndaj armikut nuk është i pranueshëm për Brigadat Izzedin al-Qassam, duke kërkuar një zgjidhje që garanton vazhdimin e armëpushimit.
Përveç Hadar Goldinit, katër trupa të tjerë të pengjeve të vrarë ende nuk janë kthyer në Izrael, në përputhje me marrëveshjen e armëpushimit të cilësuar si e rëndësishme që hyri në fuqi një muaj më parë.
