Rrjeti i hakerave iranianë, sipas deklarimeve të autoriteteve shtetërore shqiptare, kanë publikuar pamjet e kamerave të sigurisë së ambienteve të Policisë dhe të disa doganave në vend.
Në grupin e tyre në aplikacionin Telegram ku janë shpërndarë dhe të dhëna më parë, hakerat tregojnë një nga një të gjitha sallat dhe doganat, pamjet e të cilave i kanë marrë në dorëzim. Në një prej tyre, bien në sy tre të rinj të futur në paraburgim.
Po ashtu, në pamje shihen radhët e gjata në Rinas, përballë sportelit të policisë, ndërsa në pamjet e tjera shfaqet Dogana e Qafë Botës. Nuk mungojnë as video nga brenda korridoreve të Drejtorisë së Policisë së Tiranës.
