Hakerë të paidentifikuar arritën të fitojnë akses në numrat e telefonit celular të 2800 policëve në kantonin e Bernës, Zvicër , thanë autoritetet.
Përmes një defekti sigurie në një aplikacion të përdorur nga të gjithë oficerët e policisë në telefonat inteligjentë të tyre, hakerët fituan akses në këto të dhëna, tha zëdhënësja e policisë Florina Schenk të premten mbrëma
Tani për tani, duket se të dhënat e marra në këtë mënyrë nga hakerat nuk janë shpërndarë më gjerësisht, sipas autoriteteve.
Qendra Kombëtare e Sigurisë Kibernetike (NCSC) informoi policinë e Bernës më 21 korrik për të metën e sigurisë në aplikacionin MobileIron, por megjithëse problemi u zgjidh shpejt, informacioni tashmë kishte rrjedhur.
MobileIron, një aplikacion i përdorur gjerësisht në shumë vende, lejon punonjësit e një biznesi ose një autoriteti administrativ të lidhin në mënyrë të sigurt pajisjet e tyre celulare me serverët e punëdhënësit.
Policia e Bernës tha se nuk kishte asnjë ide se cilët ishin autorët e vjedhjes së të dhënave, por tha se kishte nisur një hetim penal.
