Cristiano Ronaldo lavdëroi Kylian Mbappe pas ndeshjes së fundit, ku francezi barazoi rekordin e tij historik për numrin më të madh të golave të shënuar në një vit kalendarik me fanellën e Real Madridit. Në përballjen ndaj Sevillas, Mbappe kishte nevojë për një gol për të arritur kuotën e 59 golave gjatë vitit 2025, e cila përkon me rekordin e Ronaldos, një shifër e cila historikisht mban titullin e golave më të shumtë të një lojtari në një vit për klubin madrilen.
Sulmuesi francez arriti të shënojë këtë gol vendimtar në minutën e 86-të me anë të një penalltie. Pas realizimit, ai shfaqi emocionin duke festuar me gjestin e famshëm “siu” të Ronaldo, një festë që u prit me entuziazëm nga tifozët në “Santiago Bernabeu”.
Në rrjetet sociale, Mbappe ia dedikoi golin idhullit të tij. Ai publikoi një fotografi nga festa e golit dhe një tjetër nga fëmijëria kur takoi për herë të parë Ronaldon, duke shkruar: “Besoni në ëndrrat tuaja. Respekt i madh për Cristianon”. Në përgjigje, Ronaldo reagoi me simbole që shprehnin duartrokitje dhe zjarr dhe e përgëzoi Mbappe për arritjen e tij historike.
Përveç arritjes së Mbappe, fundjava e fundit shënoi edhe suksesin e Erlind Haaland, i cili thyer rekordin e Ronaldos për golat në Premier League, duke arritur në 104 gola, një më shumë se portugezi. Këto zhvillime e vendosin Mbappe dhe Haaland në qendër të vëmendjes, duke e shënuar një kapitull të ri dhe emocionues në historinë e futbollit, teksa mysafirët dhe tifozët shpresojnë në vazhdimin e këtij rivaliteti të fortë mes yjeve të rinj të lojës.
