E diela e kaluar shënoi një fluks të lartë turistësh në Portin e Vlorës. Tre tragete që mbërritën nga Brindizi regjistruan mbi 2,000 pasagjerë, me 1,236 që zbarkuan në dy tragetet e para dhe numri që u rrit me tragetin e tretë. Një turiste shprehet se kjo është hera e tretë që viziton Vlorën dhe se e pëlqen shumë këtë vend. Gushti ka filluar me ritme të larta në Vlorë, duke përmbushur pritshmëritë për një sezon turistik të ngarkuar me vizitorë vendas dhe të huaj. Autoritetet portuale raportojnë se fluksi i turistëve është rritur që nga fundi i korrikut, me pritshmëria për pikat më të larta gjatë javës së dytë të gushtit.
Për të menaxhuar këtë fluks, masat e sigurisë janë përforcuar, me të gjitha sportelet dhe shërbimet mbështetëse në funksion për të garantuar një proces të shpejtë dhe të sigurt për udhëtarët. Operatorët turistikë dhe bizneset vendase e shohin këtë rritje si një sinjal pozitiv për ekonominë lokale, duke vënë në dukje se Vlorës i është rritur ndjeshëm vëmendja e turistëve. Kjo ka ndodhur falë përmirësimeve të vazhdueshme në infrastrukturë, bregdetit të pasur dhe ofertës së larmishme kulturore, kulinare dhe natyrore që qyteti ofron. Këto zhvillime krijojnë një atmosferë optimiste për sezonin turistik në vazhdim.
