Pasi u braktis nga të tijët, kryetari në ikje i Bashkisë Librazhd, Kastriot Gurra, në grahmat e fundit kërkon shpëtim për të gjetur ‘strehim politik’ te një ish deputet me peshë në qarkun e Elbasanit.
Dalja e kandidatit tjetër zyrtar Ermal Kurti në radhët e PS për Librazhdin, me mbështetje të plotë nga baza dhe drejtuesi i qarkut Damian Gjiknuri, ka bërë që kryetari aktual Kastriot Gurra të nisë një përpëlitje të fundit për të shpëtuar kokën.
Pasi baza e ka refuzuar në masë dhe prokuroria e ka gati arrestimin e tij pas zgjedhjeve, Gurra kërkon shpëtim nëpërmjet njohjeve të tij me anë të një ish deputeti me goxha peshë në Elbasan.
Mësohet nga burime konfidenciale se me ndërmjetës nën prefektin e qarkut Elbasan, J. L, njeri i besuar i ish deputetit, Gurra ka arritur të takohet në dy raste personalisht me Ish deputetin për ti kërkuar këtij të fundit të ndërhyjë tek kryeministri Rama, për ta mbajtur ende në garën për Bashkinë e Librazhdit, e për ti shpëtuar kështu edhe arrestimit.
Dicka që as mund të imagjinohet nga socialistët e Librazhdit pasi e kanë refuzuar në masë Gurrën, i cili e kishte kthyer bashkinë në një fole korrupsioni, abuzimi, si ta kishte pronë private institucionin që drejton.
Nga ana tjetër, drejtuesi politik i qarkut Elbasan, Damian Gjiknuri, i vënë në lëvizje nga frika e një tradhtie të mundshme brënda kampit, pritet që këto ditë të marrë konfirmimin nga Rama, dhe të nxjerrë zyrtarisht Ermal Kurtin kandidat për kryetar bashkie të Librazhdit në zgjedhjet e 14 Majit.
