SHQIPËRI- Një shqiptar i pasur me një sërë biznesesh në Britaninë e Madhe dhe me një vjehrrë politikane është arrestuar së bashku me vëllain e tij nën akuzën se kanë kontrabanduar kokainë me vlerë 335 milionë paund. Klevis Hoxhosmani, 37 vjeç, dhe vëllai i tij 42-vjeçar, Arturi, u arrestuan nga skuadra e krimit të organizuar (SPAK). Hoxhosmani është në një lidhje me Kejda Ajazin – vajzën e Majlinda Bregut, 51 vjeç, ish-ministres së Shqipërisë për Integrimin Europian, e cila dha dorëheqjen si deputete në vitin 2017 dhe tani punon për një organizatë të quajtur Këshilli i Bashkëpunimit Rajonal.
KLEVIS HOXHOSMANI DHE KEJDA AJAZI
Çifti i ri është i njohur në Shqipëri për shfaqjen e stilit të tyre luksoz të jetesës në mediat sociale, duke përfshirë udhëtime të shpeshta në Londër, Dubai dhe Monako.
https://www.instagram.com/reel/DMlbRX4KZSU/embed/captioned/?cr=1&v=14&wp=1194&rd=https%3A%2F%2Fzeri.ai&rp=%2Faktualitet-dailymail-me-syte-nga-arrestimi-i-vellezerve-hoxhosmani-dhendri-i-ish-ministres-ka-bizese-edhe-ne-angli-i230524%3Ffbclid%3DIwZXh0bgNhZW0CMTEAAR7j3UJZifiZYHRFE219KTNqlM4YVxIcLq9wS0dzWIPAcRLMM9S#%7B%22ci%22%3A0%2C%22os%22%3A620%2C%22ls%22%3A236.00000000000003%2C%22le%22%3A617%7D
Arrestimi i Hoxhosmanit ka nxitur tani spekulime në Shqipëri rreth burimit të vërtetë të pasurisë së çiftit. Prokurorët shqiptarë pretendojnë se Hoxhosmani dhe vëllai i tij ishin pjesë e një grupi të madh ndërkombëtar të krimit të organizuar që përfshinte të paktën nëntë persona të tjerë. Banda akuzohet për kontrabandë droge nga Kolumbia ose Ekuadori, të cilat shpesh herë transportoheshin nga deti dhe nga toka për në Britaninë e Madhe.
Sipas të dhënave që bën me dije “Dailymail“, Hoxhosmani ka lidhje të ngushta me Britaninë, veçanërisht me “Companies House” që e lidh atë me tre biznese me seli në Bournemouth. Ai ishte drejtor i “Crystal Hand Car wash”, kompani e cila u krijua në vitin 2013 dhe u shpërbë në vitin 2015.
Ai ishte gjithashtu ish-drejtor i Barrack Road Tyres, një dyqan gomash në Christchurch që tani ka një pronar të ri. Por është ende drejtor i “Opa Coffee Limited”, një dyqan pranë Central Gardens, një park në qendër të qytetit të Bournemouth.
Ai ka një precedent penal në Mbretërinë e Bashkuar, ku edhe u deklarua fajtor në vitin 2014 për sulm ndaj një gruaje në Ferndown. Pasi pranoi fajin ai u dënua me punë në komunitet dhe e komunitetit dhe 60 paund gjobë.
Vëllai i tij, Arturi, është ish-pronari i një tjetër lavazh makinash vendas, “Ferndown Hand Car wash”, ku dy burra – një afgan dhe një irakian – u arrestuan së fundmi për shkelje.
Një nga anëtarët e dyshuar të bandës, Erion Alibej, tani po bashkëpunon me prokurorët. Në gjykatë, ai pretendoi se një bashkëpunëtor i tij u rrah në Londër pasi 50 kg kokainë u zhdukën. Oficerët e SPAK-ut kanë sekuestruar një jaht luksoz dhe një flotë makinash, përfshirë një Mercedes Benz AMG G63, një Volksëagen Golf 7 dhe një Volksëagen Sharan. Po ashtu, kanë sekuestruar gjithashtu dy ora të shtrenjta, 16 telefona celularë, 19 karta bankare dhe tre pistoleta me karikatorë dhe fishekë.
