Ish-zëvendës policia Sean Grayson, 31 vjeç, është shpallur fajtor për vrasjen me armë zjarri të Sonya Massey, një grua me ngjyrë, incident që ndodhi në 6 korrik 2024 në Springfield, Illinois. Dënimi për Grayson pritet të shpallet më 29 janar, me mundësinë e një dënimi që arrin deri në 20 vjet burgim ose dënim me kusht.
Ngjarja e tragicës ka filluar kur Massey telefonoi policinë për të raportuar një hajdut. Grayson dhe ndihmësi i tij, Dawson Farley, mbërritën në vendngjarje. Gjatë hetimeve, u zbulua se oficerët vunë re një tenxhere me ujë të nxehtë në sobë, dhe Grayson i kërkoi Massey-t ta hiqte atë. Në momentin që ajo iu drejtua oficerëve duke iu lutur të mos e lëndonin, Grayson e interpretoi këtë si kërcënim dhe e qëlloi tre herë, duke e lënë atë të vdekur në vend.
Pas incidentit, Grayson u shpreh se veprimi i tij ishte i justifikuar sipas rrethanave, duke pretenduar se kishte frikë se Massey mund ta dëmtonte me ujin e nxehtë. Ndërkohë, Farley, që ishte prezent, tha se Massey nuk përbënte rrezik dhe nuk kishte vepruar në mënyrë kërcënuese. Ai nuk përdori armë dhe nuk u akuzua.
Fillimisht, Grayson përballej me akuzën e vrasjes së shkallës së parë, që mund të çonte në burgim të përjetshëm, por ai u shpall fajtor për vrasje të shkallës së dytë, e cila konsiston në veprimin nën “provokim serioz”. Rasti shkaktoi indinjatë të gjerë publike dhe ringjalli debat mbi përdorimin e forcës nga policia ndaj personave me ngjyrë në SHBA.
Ndër pasojat e menjëhershme të ngjarjes, sherifi që kishte punësuar Grayson doli në pension të parakohshëm, dhe Departamenti i Drejtësisë i SHBA-së nisi një hetim federal. Familja e Massey-t, përfaqësuar nga avokati i njohur i të drejtave civile Ben Crump, arriti një marrëveshje civile prej 10 milionë dollarësh me autoritetet lokale. Ngjarja gjithashtu çoi në ndryshime ligjore në Illinois, që kërkojnë më shumë transparencë mbi të kaluarën e kandidatëve që kërkojnë punë në polici.
