Një vjedhje ka ndodhur në aeroportin “Nënë Tereza” në Tiranë. Një udhëtar pretendon se i janë marrë nga valixhja e tij plot 9500 euro, për të cilat drejton gishtin nga personeli. Gazetari Elton Qyno, raporton për “Ora News“, se qytetari i identifikuar me inicialet A.K., ka depozituar kallëzimin penal në Komisariatin e Rinasit për rastin. Kallëzimi është bërë më 11 janar të këtij viti, e po hetohet nga Policia dhe Prokuroria e Tiranës.
Gjithashtu është zbuluar edhe kallëzimi i tij.
“…kam ardhur në komisariatin e policisë Rinas pasi më datën 7 janar 2024 jam telefonuar nga miku im A.K, i cili me ka komunikuar që ka udhëtuar me linjën “ëizzer Rinas-Vicne”.Pasi ka arritur në Vjenë pa dalë nga aeroporti ka konstatuar se valixhja e tij ishte hapur dhe vjedhur një shumë prej 9500 eurosh. Duke qënë që kam rënë në dijeni të vepres penale të vjedhjes kërkoj që të regjistrohet procedimi penal dhe të hetohet kjo çështje e rëndë…,”-thuhet në dosjen hetimore.
Dyshohet se paratë janë vjedhur gjatë transportimit të valixheve nga transportieri deri në avion, megjithatë deri më tani nuk dihet se kush është autori i grabitjes.
