Ditën e sotme policia e Lezhës ka shoqëruar 8 persona pasi dyshohet se mund të kenë lidhje me vjedhjen e një banese në Torovicë.
Në orët e para të mesnatës së sotme dy persona ende të paidentifikuar janë futur në banesën e 79-vjeçarit Nikollë Bujës për të vjedhur.
Autorët e dyshuar sapo kanë konstatuar pronarin e banesës janë larguar menjëherë nga banesa, pa marrë asnjë send a vlerë monetare. Gjithashtu mësohet se ndaj të moshuarit nuk kanë ushtruar dhunë fizike.
79-vjeçari pas largimit të autorëve nga banesa e tij ka qëlluar me armë gjahu çifte në ajër për të njoftuar komshinjtë.
Grupi hetimor vijon veprimet hetimore dhe procedurale, duke administruar çdo provë e dëshmi si dhe janë shoqëruar disa persona me qëllim zbardhjen e ngjarjes dhe vënien përpara përgjegjësisë ligjore të autorëve.
