Një bandë që merrej me trafikimin e lëndëve narkotike është goditur në Itali.
Bëhet me dije se në lidhje me këtë operacion kanë rënë në pranga 42 persona, anëtarë të bandës shqiptarë, italian dhe spanjollë.
Në kuadër të operacionit është sekuestruar pothuajse gjysëm ton drogë, si dhe një mijë mbushje kanabisi për cigaret elektronike. Mes të arrestuarve në hetimin që çoi në 42 masa paraprake dhe çmontoi një trafik droge midis Spanjës dhe Italisë, është përfshirë, edhe një ish-oficer i ushtrisë, Rosario D’Onofrio. Sipas hetimeve, ish-ushtaraku, edhe në periudha izolimi në mes të pandemisë Covid, i veshur me kamuflazhin e policisë për të lëvizur më lirshëm, merrej me transferimin e ngarkesave të drogës.
Mediat italiane shkruajnë se hetimet për këtë bandë kishin nisur më herët pasi i mbi gjashtë ton marihuanë dhe hashash nga Spanja në Lombard ka trafikuar kjo bandë gjatë vitit 2019-2021.
