Sali Berisha në prag të nisjes së aksionit opozitar në bazë, në një kohë që SPAK-u e vuri nën akuzë për korrupsion zhvilloi një bashkëbisedim në Facebook me ndjekësit. Pas akuzave se vetë Rama qëndron pas goditjes së tij nga SPAK-u, zbuloi prapaskena nga raporti me Lulzim Bashën në mbylljen e fushatës së zgjedhjeve parlamentare të vitit 2021. E akuzoi se Edi Rama e kishte blerë.
“Në mbylljen e fushatës së vitit 2021 nuk ftoi asnjë njeri, por unë shkova për të mos përbërë lajm që nuk vajti. Shkoj dhe e gjej, nuk dua ti them atë që meriton. E gjej në një karroceri “Toyote”. Shoh aty dy deputetë, e shoqja aty matanë…. Nuk kisha parë kurrë diçka të tillë. E mora në telefon dhe i thash, “godite zgjedhjet”. Si ka mundësi? Si mund të bëhet një skenar i tillë.
Kush ta bëri? Kompania kishte thënë ta bëjmë mbylljen diku mes Tiranës dhe Elbasanit. I thash çfarë joni ju kështu?! Por meqë unë e kundërshtova, për çfarë do të diskutojmë në livadhe, ne kemi sheshet. Ky shkoi dhe në sheshin “Nënë Tereza” apo “Italia” duke e degraduar. Ndërkohë që Edi Rama bëri dy mbyllje një në Tiranë dhe një në Vlorë nga katër orë” tha ai.
