Moderatorja shqiptare, Albana Bejko, ka bërë publike përndjekjen që ka përjetuar nga mjeku psikiatër Behar Kamberi. Ajo ka ndarë përjetimet e saj, duke shpjeguar se si takimi i parë me Kamberin ndodhi në një restorant, ku ai kërkoi të bënte një foto me të. Pas këtij momenti, Bejko vuri re një tendencë të tij për t’u afruar, duke e konsideruar fillimisht si një situatë që shpesh ndodh midis personazheve publike.
Ajo theksoi se mori mesazhe dhe telefonata në numrin e saj personal, duke shprehur shqetësimin se nuk e dinte se me kë kishte të bëntë. Pavarësisht se i kërkoi të ndërpriste kontaktet, Kamberi vazhdoi t’i dërgonte mesazhe, ndonjëherë me tone opsesive dhe deluzionale, duke pretenduar se pas fotos kishte projektuar jetën e tij.
Bejko shpjegoi se përveç mesazheve, ajo ka marrë edhe telefonata të pakëndshme nga Kamberi që nga viti 2020. Ajo sqaroi se nuk kishte pranuar ndonjë dhuratë nga ai, pavarësisht thashethemeve për një parfum, për faktin se qëllimi i tij dukej i sëmurë dhe se ndjente frikë, duke ndryshuar stilin e jetesës për t’u mbrojtur.
Ajo ka pasur gjithashtu debate në prokurori për situatën, duke e karakterizuar kontaktin si agresiv, duke theksuar se pas shumë kërkesash për të ndaluar, Kamberi vazhdoi t’i dërgonte mesazhe, gjë që e detyroi të shprehte se do ta kishte denoncuar në polici nëse do ta bezidiste më tej.
Kjo situatë e ka detyruar Bejkon të marrë masa për të mbrojtur veten dhe integritetin e saj si personazh publik.
