TIRANË- Deputetja demokrate, Albana Vokshi, duke folur nga foltorja e Kuvendit kritikoi ashpër qeverinë për abuzim me fondet publike gjatë fushatës elektorale. Vokshi u shpreh se 500 milionë euro janë shpenzuar në vetëm 4 muaj për blerje votash, përmes faljes së gjobave dhe projekteve propagandistike.
Sipas saj 7 milionë euro janë harxhuar për organizimin e spektaklit të Giro D’Italia. Deputetja demokrate gjithashtu u shpreh se asnjë nga rekomandimet e ODIHR nuk është zbatuar dhe teksoi se Partitë Popullore Europiane (PPE) janë shokuar nga situata në Shqipëri.
“Në PPE u shokuan për atë që ka ndodhur në Shqipëri. Janë blerë vota me taksat e qytetarëve. Gjysmë miliard janë shpenzuar për të blerë vota, kjo ka ndodhur përmes faljes së gjobave. 500 mln u shpenzuan në 4 muaj, u blenë vota. 7 mln u shpenzuan për spektaklin e Giro D’Italia. Asnjë rekomandim i ODIHR nuk është zbatuar,” tha Vokshi.
