Kryetari i Partisë Demokratike, Sali Berisha, ka bërë thirrje për protestë kombëtare më 3 mars, ditën që përkon me zgjedhjet e kryetarit të ri të Partisë Demokratike nga Gjykata e Apelit. Këtë të premte selia blu ka shpërndarë një mesazh për të gjithë anëtarët e Këshillit Kombëtar.
Më 21 shkurt në orën 17:00, atyre u kërkohet që të marrin pjesë në mbledhjen që do të mbahet në Tiranë, për të diskutuar për tubimin e datës 3 mars. Në një kohë që strukturat mobilizohen për protestën kombëtare, nuk dihet çfarë do të ndodhë të enjten e ardhshme.
PD do mobilizojë të gjitha forcat e veta për një protestë të jashtëzakonshme më datën 3 Mars. “Revolucioni fton çdo shqiptar të marrë pjesë dhe të çojë përpara kauzën e tij”, është shprehur Sali Berisha.
Kryedemokrati ka thënë se sheshet e Tiranës do të ziejnë nga protestat qytetare dhe ato para Parlamentit, derisa ky i fundit të reflektojë dhe të pranojë projektligjet e depozituara nga deputetët e opozitës
