Gjykata e Posaçme kundër Krimit të Organizuar dhe Korrupsionit ka pranuar kërkesën e SPAK-ut që djali ish-kryeministrit Sali Berisha, Shkëlzen Berisha, ish-ministri i Drejtësisë në kohën kur ndodhi shpërthimi në Gërdec, Aldo Bumçi dhe 69 zyrtarë, ish-zyrtarë dhe qytetarë të merren në pyetje për ngjarjen e ndodhur në 15 mars të vitit 2008.
Gjykata ka rrëzuar kërkesën e Fatmir Mediut që dëshmitarë të thirren edhe personalitete të huaja, mes tyre ish-zyrtarë të lartë të Pentagonit, ministra të Jashtëm të Itali dhe Gjermanisë. “Duhet të thirren të gjitha subjektet.
Fatmir Mediu do të pyetet nga gjykata. Por roli politik i ministrit është i kithët dhe nuk ka të bëjë me atë që i atribuohet nga gjykata” tha avokati i tij, Ardian Visha. Ish-ministri Mediu kërkoi 91 dëshmitarë, por shumica e tyre u refuzua.
Lidhur me kërkesën tjetër të avokatit të Mediut për një ri-ekspertim të shkaqeve të shpërthimit, gjykata rezervoi të drejten te shprehet pasi te degjoje te gjitha palet ne nje moment te dyte. Edhe lista e avokatit të viktima me 12 emra u rrëzua.
Ish-ministri i Mbrojtjes, Fatmir Mediu akuzohet për shpërdorim detyre në lidhje me procesin e çmilitarizimit dhe çmontimit të municioneve që është zhvilluar në ambientet e ish “Brigatës së Tankeve”, në fshatin Gërdec.
