Gjykata Administrative ka vendosur të rikthejë në detyrë Sekretarin e Përgjithshëm të Bashkisë Tiranë, duke shpallur të pavlefshëm urdhrat e lirimit të tij nga detyra. Anila Hoxha njofton se sipas vendimit të gjykatës, shkarkimi i Alban Dokushit është kryer në mënyrë në flagrante në kundërshtim me ligjin, duke shkelur rregullat standarde ligjore dhe procedurale.
Vendimi ka efekt të menjëhershëm dhe është detyrues për zbatim, duke rikthyer statusin e mëparshëm juridik të ish-Sekretarit. Alban Dokushi, i njohur si jurist me përvojë në fushën e jurisprudencës, ka mbajtur një sërë pozita të rëndësishme në administratën publike dhe njihet për profesionalizmin dhe integritetin e tij.
Ky rast shënon një precedent të rëndësishëm në mbrojtjen e ligjshmërisë dhe shtetit të së drejtës në administratën publike, duke theksuar rëndësinë e respektimit të procedurave ligjore në vendimmarrjen administrative.
