Pas shtyrjes së vendimit të gjykatës për Fredi Belerin për mediat ka folur dhe avokati i tij.
Avokati ka deklaruar se akuzat e prokurorisë së Vlorës janë të montuara pasi sipas tij Beleri prej datës 8 deri në 12 maj nuk ka qenë në Vlorë. Z. Gjyzari shprehet se gjatë kësaj kohe janë modifikuar provat nga prokuroria dhe policia e Shtetit për të dërguar në burg Fredi Belerin.
Ai gjithashtu shtoi se prokuroria nuk i provon dot akuzat, ndërsa pala mbrojtëse është penguar të sjelli prova për pafajësinë e kryebashkiakut të Zgjedhur të Himarës, Fredi Beleri.
“Prej datës 8 deri në 12 maj Beleri nuk ka qenë në Vlorë, kjo dëshmon se pasi Beleri është arrestuar kanë filluar të rregullojnë të gjitha letrat. Deri në fund ne pengoheshim për të mbrojtur zotin Beleri, sillnin dëshmitarë që sillnin prova të rreme.
Nuk ka një të dhënë se Beleri është takuar me këta persona. Ata nuk e provojnë dot akuzën dhe provat, ata duhet ta vërtetojnë, ne sjellim prova për pafajësinë.
Një proces i paligjshëm dhe i montuar me standarde të dyfishta, në krhasim me standardet ndaj të tjerëve që hetohen në republikën e Shqipërisë me prova të modifikuara që këta i përdorin kur i duhet” u shpreh avokati.
Gjyzari shtoi gjithashtu se mbajtja në burg e Belerit prej 10 muajsh nuk bëhet vetëm kundër tij por për të mbajtur peng Himarën.
“Mbas një insistimi tonë në datën 30 janar na janë dhënë kordi i tabulatëve të telefonit ku kemi vënë re se ai nuk ka qenë në Vlorë, të gjitha të modifikuara nga policia e Vlorës dhe prokuroria.
Koha që ka kaluar prej 10 muajsh zoti Beleri në burg, është kundër bashkisë së Himarës jo vetëm kundër Belerit” u shpreh avokati Gjyzari.
