Pas rikthimit të bujshëm, moderatorja Bora Zemani dhe partneri i saj Donald Veshaj duket se nuk ndahen më nga njëri-tjetri. Ata kanë filluar të shfaqen përditë bashkë, pas historisë së shumëpërfolur. Parmbrëmë është zhvilluar nata e dytë e spektaklit “Dancing with the Stars”, ku dihet tashmë që prezantuese është Bora.
Ditën e sotme moderatorja ka postuar disa foto nga ‘look-u’ i saj i mbrëmjes së djeshme, ku mes tyre nuk ka harruar të vendos edhe një foto shumë të veçantë të saj dhe aktorit dhe moderatorit të njohur, Donald Veshaj. Në foto duket vetëm duart e tyre të kapura fort me njëra-tjetrën.
Që prej natës së parë të spektaklit, Donaldi na ka treguar me anë të postimeve në Instastory, se ka qenë gjithmonë aty për të mbështetur Borën deri në fund.
