Jurgen Klopp është një trajner i veçantë. Me një karakter të pamëshirshëm në fushë, por me zemër të madhe jashtë fushës. Tekniku përpiqet të ndihmojë të tjerët sa herë që mundet. Pak vite më parë u bë virale përgjigja e tij ndaj një letre të dërguar nga një djalë 11-vjeçar. Tani një detaj emocionues me një koleg profesionist.
Sven-Göran Eriksson 75 vjeç dhe me një karrierë të gjatë dhe të shkëlqyer në disa vende, pranoi këtë javë në një intervistë se është shumë i sëmurë me kancer dhe se prognozat tregojnë se i ka mbetur rreth dymbëdhjetë muaj jetë. “Në rastin më të mirë, më ka mbetur edhe një vit. Në rastin më të keq, pak më pak” tha ai.
Trajneri e kuptoi gjithashtu se kishte diçka në pritje në karrierën e tij, një dëshirë që nuk mund ta përmbushte kurrë. “Unë jam një tifoz i Liverpoolit, kështu që gjithmonë kam dashur të jem menaxheri i tyre dhe kjo nuk do të ndodhë, por unë jam ende një tifoz i Liverpoolit”, tha ai.
Disa fjalë për të cilat është pyetur Klopp. “Për fat të keq nuk e njoh personalisht. E mora vesh për herë të parë tani admirimin apo dashurinë e tij për Liverpoolin dhe se ka qenë tifoz gjithë jetën”, ka komentuar trajneri i skuadrës së “kuqve”.
“E vetmja gjë që mund të them është se jeni absolutisht i mirëpritur të vini këtu dhe mund të uleni në zyrën time dhe të bëni punën time për një ditë nëse dëshironi”, tha ai, shkruan Marca.
