Gjermania është e eliminuara e madhe e Botërorit të Katarit, me katër herë Kampionët e Botës që përfunduan në vendin e tretë në Grupin E, edhe pse fituan 4-2 me Kosta Rikën, por e kombinuar kjo edhe me fitoren 2-1 të Japonisë ndaj Spanjës, “Nationalmanschaft”, ngeli jashtë kompeticionit.
Japonia (vendi i parë) dhe Spanja (vendi i dytë) kaluan në fazën e 1/8-ave me eliminim direkt.
Një fitore e hidhur e shoqëruar me një dështim të turpshëm i skuadrës së Hansi Flik, që zhgënjeu në ndeshjen e parë në humbjen 2-1 ndaj Japonisë dhe mori një barazim disi shpresëdhënës 1-1 ndaj Spanjës.
Gjermania përsërit kështu Botërorin e “Rusi 2018”, kur edhe atëherë u eliminua në fazën e grupeve, duke zënë vendin e fundit në grup, ku ndodhej me Suedinë, Meksikën dhe Korenë e Jugut.
Kronika e ndeshjes dhuroi shumë emocione: me avantazhe, përmbysje, ribarazim dhe sërish ripërmbysje, por që në fund i pa të dyja skuadrat – Gjermaninë dhe Kosta Rikën – të largohen nga vazhdimësia e Botërorit të Katarit.
