Gjermanët janë irrituar nga lajmi se në mes të një krize ekonomike, kancelari gjerman Olaf Scholz është në kërkim të një shefi të kuzhinës që njeh artin e kuzhinës së lartë, duke i ofruar një rrogë të majme. Në momentin kur fermerët protestojnë me traktorë në rrugët e Berlinit, shefi i ri i kuzhinës, sipas mediave gjermane, do të marrë një pagë mujore deri në 3000 euro (neto).
Protestat kanë sjellë një tkurrje të ndjeshme të mbështetësve të Scholz, duke sjellë debate të forta dhe brenda koalicionit qeveritar. Sipas sondazhit të Institutit INSA për gazetën BILD, Bashkimi i Krishterë (CDU/CSU) mbetet forca më e fortë me 30% dhe pa ndryshim në përqindje, e ndjekur nga AfD, me 22%, gjithashtu pa ndryshim.
