Genti Korini do të përfaqësojë Shqipërinë në Bienalen e 61-të të Artit në Venecia me projektin “A Place in the Sun”. Juria, e cila përfshinte Adela Demetjan, Katerina Gregos, Blanche de Lestrange, Elian Stefa dhe Arnisa Zeqo, zgjodhi këtë projekt si më tërheqësin mes 17 aplikimeve të pranuara në kuadër të thirrjes së hapur, sipas njoftimit të Ministrisë së Turizmit, Kulturës dhe Sportit.
Projekti i Korinit u vlerësua për thellësinë konceptuale dhe saktësinë e realizimit vizual. Ai ndërthurr kërkimin arkivor me folklorin dhe imagjinatën, duke shqyrtuar mënyrën si kujtesa kolektive dhe ideologjia formësojnë identitetin dhe hapësirën. Korini eksploron lidhjet ndërmjet së shkuarës shqiptare dhe ndikimeve të saj nga Bashkimi Sovjetik. Juria theksoi risitë krijuese në rikthimin e arkivave pamore lokale përmes një këndvështrimi absurdist dhe lindor, si dhe qasjen shumëdimensionale dhe eksperimentale ndaj historisë.
Pavijoni i Shqipërisë do të prezantohet në Venecia në majin e vitit të ardhshëm.
