Deputeti demokrat, Gazment Bardhi theksoi në një dalje për mediat se nxitimi i SPAK për të dhënë masën ndaj Sali Berishës pa bërë një kërkesë në parlament, ka pasur për qëllim që të krijojë perceptimin e rremë të zhvendosjes së betejës së opozitës nga një betejë me Ramën në një betejë me drejtësinë.
“Kufizimi i lirisë së lëvizjes së zotit Berisha pa autorizimin e Kuvendit është një shkelje e rëndë kushtetuese që ngre pikëpyetje mbi arsyet e nxitimit është më së pari garancinë edhe pse opozita nuk pret asnjë mbrojtje apo trajtim preferencial nga drejtësia por që të konsiderohet e pavarur, duhet të kryejë akte me forcën e ligjit, bazuar në prova dhe në transparencë dhe pandikuar nga pushteti dhe duke respektuar procesin e rregullt ligjor. Personalisht do të votoj në favor të çdo kërkese të organeve të drejtësisë që do të vinin në kuvend…se askush nuk duhet të jetë mbi ligjin.
Ky është një dallim nga grupi parlamentar i PS që në të shkuarën, kur interesi politik ka dashur, ka penguar prokurorinë të veprojë, mirëpo nxitimi i SPAK për të mosrespektuar Kushtetuën ka patur si qëllim të krijojë perceptimin e rremë të zhvendosjes së betejës së opozitës nga një betejë me Ramën në një betejë me drejtësinë, do të them sem ky skenar do të dështojë. Ne deputetët e opozitës nuk kemi betejë me drejtësinë.”, theksoi Bardhi.
