Pikërisht në fund të momentit të fjalës së saj para gazetarëve pas daljes nga godina e Prokurorisë së Posaçme, ku u mor për rreth një orë në pyetje, zv/kryeministrja Belinda Balluku nuk dha shpjegime nëse ishte marrë e pandehur apo nëse do dorëhiqej.
Ishin pikërisht gazetarët dhe mediat e pranishme që drejtuan pyetje njëra pas tjetrës teksa zyrtarja e lartë socialiste me dosje në dorë po largohej e shoqëruar nga truprojat, por refuzoi të përgjigjej.
“Zonja Balluku, a ua ka kërkuar Rama dorëheqjen”, “Po SPAK a jua komunikoi marrjen të pandehur, a u morët e pandehur zonja Balluku?”, ishin dy nga pyetjet e drejtuara për zv/kryeministren dhe ministren e Infrastrukturës dhe Energjetikës.
Por ajo u tregua indiferente dhe zgjodhi të mos përgjigjej, duke u larguar drejt makinës.
Më parë ajo dha edhe një deklaratë të shkurtër për prezencën në SPAK, duke u shprehur ndër të tjera se ishte shpresplotë të drejtësia tek e cila besonte dhe vetë.
“Në respekt të plotë të organeve të drejtësisë kam pranuar kërkesën e SPAK për një çështje në hetim, Si zyrtare dhe qytetare e shikoj si një proces, për të cilin jam shpresplotë që do shërbejë për transparencë, llogaridhënie dhe parimet e drjetësisë tek të cilat besoj”, tha ajo.
