Ish-deputeti Ralf Gjoni është paraqitur mëngjesin e sotëm në SPAK ku është pyetur për disa orë nga prokurorët.
Teksa doli nga SPAK ai u shpreh se nuk është pjesë e dosjes së Ilir Metës dhe se ka dhënë dëshmi për një post shtetëror që ka mbajtur në të shkuarën.
“Jam pyetur si shtetas në cilësinë e të angazhuarit në angazhime dhe pozicione shtetërore. Nuk u pyeta si person në hetim. Nuk ka arsye për të më hetuar mua. Nuk kam qenë pjesë e dosjes së ish presidentit Meta, se s’kam qenë në kontakt me të kur ka qenë kryetar shteti. Nuk ka asnjë arsye për të më hetuar mua. Nuk mund ta them më shumë, mund të pyesni prokurorët. Jam pyetur për angazhimet e mia në vite të cilat nuk mundem t’i diskutoj dhe kush me njeh ma di integritetin dhe ju lutem ma respektoni këtë pjesë.” u shpreh Gjoni.
