Adriano Galliani ka mundësinë që të rikthehet te AC Milan pas tetë vitesh, në një rol këshillues të nivelit të lartë. Kjo thashetheme është forcuar nga një takim i fundit mes 81-vjeçarit dhe Gerry Cardinale, pronarit të klubit, përmes RedBird Capital Partners. Sipas raporteve, Cardinale i ka propozuar Gallianit një rol strategjik në këshillim të lartë.
Megjithatë, Galliani nuk do të rikthehet si CEO apo president, një pozitë që disa kanë spekuluar, por si një figurë me ndikim në marrëdhëniet me klubet dhe institucionet futbollistike. Propozimi i Cardinale-s, sipas gazetës ‘Repubblica’, është konkret. Tani, Galliani, aktualisht drejtor ekzekutiv i Monza-s, ka për detyrë të vendosë për këtë mundësi, pas shitjes së 80% të aksioneve të Monza-s nga familja Berlusconi te Beckett Layne Ventures për rreth 30 milionë euro.
Edhe pse detajet e rolit të tij të mundshëm nuk janë përcaktuar plotësisht, të është e qartë se nuk do të jetë një pozitë simbolike. Autoriteti dhe ndikimi i Galliani-t në botën e futbollit janë ende të fuqishme, ashtu si lidhjet e tij personale dhe aftësitë menaxhuese. Një kthim i tillë në Milan do të përfaqsonte një rikthim të shquar për Galliani-n, duke shfrytëzuar eksperiencën e tij të pasur në menaxhimin e klubeve dhe marrëdhënieve ndërkombëtare në sportin e futbollit.
