Një revolucion në arbitrazh po afron në botën e futbollit, me zbatimin e rregullave të reja për VAR që do të nisë në Botërorin e 2026. Megjithatë, Premier League shfaq dyshime për këto ndryshime. Sipas Sky Sports UK, klubet angleze janë të heshtura për një rregull të ri që do t’u japë mundësinë arbitërve të vendosin nëse një goditje këndi duhet akorduar apo jo, që do të kalojë në një test gjatë këtij Botërori.
Premier League dëshiron të shmangë një protokoll VAR që do të zgjerojë rrezen e veprimit dhe ndërprerjet e lojës. Në Angli, ku futbolli është i lidhur ngushtë me traditat e tij, raportet me sistemin VAR nuk kanë qenë të mira. Klubeve u intereson që të reduktohen ndërprerjet dhe të përqendrohen në episodet kryesore të lojës, si kartonët e kuq, golat dhe penalltitë.
Megjithatë, kundërshtimi për rregulla të tjera nuk është i gjithanshëm; disa rregulla të detyrueshme, si verifikimi i kartonit të dytë të verdhë që çon në atë të kuq, mund të pranohen nga futbolli anglez. Pra, protokolli i ri VAR është tani në duar të turneut të SHBA, Meksikës dhe Kanadasë, me Premier League që e vëzhgon me kujdes.
